الخميس 28 مارس 2024
كتاب الرأي

مومر: أَنْجِيلاَّ خَانُومْ والطَّيِّبُ المَريضْ .. دُولْدُورْ بِي مِيهَانِتْسِي !

مومر: أَنْجِيلاَّ خَانُومْ والطَّيِّبُ المَريضْ .. دُولْدُورْ بِي مِيهَانِتْسِي ! عبد المجيد مومر الزيراوي
دُولْدُورْ بِي مِيهَانِتْسِي*
يَا وَاشْ يَا وَاشْ!
وَا شَّنْتِيتْ كْلاَشْ
أَ زِيدُو مَبْقَاشْ!
أيَّامْ الصُّولَدْ رَجْعَاتْ ،
جُوجْ بِثَمَن وَاحَدْ!
الطَّيِّبْ الأَغَا المَرِيضُ ،
أَنْجِيلاَّ خَانُومْ 
مْشاتْ و جَاتْ،
مُؤتَمر السَّلاَّم 
وَا رَ ليبْيا تْرَهْنَاتْ! 
الإِخْوَانْ خَاصْهُمْ السِّلاحْ،
ليبْيا باعُوهَا تُجَّارْ الدِّين ..
قَالَتْ خَانُومْ :
إِيشْ لِيبِدِيشْ ،
حِيتْ الطيِّبْ
رَبَّا الرِّيشْ،
الطيبْ أَغَا وَ طْغَا،
دُولْدُورْ بِي مِيهَانِتْسِي*
وَاتَّا زِيدْ وْ لَكْلاَمِي لْغَا !
الإِخْوَانِي رَا سْحَقْ الدَّرْويشْ،
عَافَاكْ أَّمِّيمْتِي 
سُكْتِي لَا تَبْكِيشْ،
الإرْهَابْ فَرْتَكْ دَوْلَة ،
الشَّبابْ بَاغِي يْعِيشْ،
فِينْ طْرِيقْ لَحْرِيرْ 
وَاهْيَا روسيا و الصِّينْ !..
دُولْدُورْ بِي مِيهَانِتْسِي*
أنَا نِيْتِي صَافْيَة 
رَانِي أنْجِيلْهَا اللِّيلَة،
مَاعَنْدِي B52 !
مَاعَنْدِي F16 !
مَاعَنْدِي سُوخُويْ!
بَرَكَة أَوْلِيَّاء اللهْ !
أنا طِيرْ لَجْبَلْ لَخْضَرْ!
وَ نْحَطْ في مطارْ بِرلينْ ..
يَاكْمَا نْدِير الدُّومِيتُورْ؟!
مِنْ زَمْرانْ لإِسْطَنْبُولْ،
اللِّيلَة لِيلْتَكْ أَ الطَّيِّبْ
وَانَا وَلْد الشَّعب 
المَرْيُولْ ،
وَانَا الزَّوَالِي شَرَّابْ
لاَلْكُولْ،
دُولْدُورْ بِي مِيهَانِتْسِي*
حَرْكَة شَمَالْ إِفْريقيا!
اللِّيلَة نَّوْضُو الأَغَا ،
وَا فِيقْ تْبُولْ!
جَدَّدْ لُوضُو .. هَا لْمَعْقُولْ،
رَانِي وَلْد الطِّيرْ
عَنْدِي ثْلاَثْ جَنْحينْ ..
عَيْطَةْ خَانُومْ 
فِي لاَلِمَانْ،
لَمَّة السّْلاَحْ 
في سِيفَة لَمانْ،
كَشْكُوشَة لَكْلاَمْ ،
الرَّغْوَة  بْلاَ صَابُونْ،
تْجَمْعُو رْبَاعَة،
وَانَا زَاهِي 
عْلَى ذَاكْ تَبُّونْ،
مِنِّي مِنَّكْ،
جَطِّي جَطَّكْ،
مُؤْتَمَرْ التَّسْلِيحْ المَجْنُونْ !
بُويَا عُمَرْ طَوَّاعْ الجاهْلِينْ..
سَوْلُو شَمْس الدِّين
عْلَى وْلاَدْ بُويَا رحَّالْ!
لِيغَارَة حَجْ لْمَسْكين ..
سِيرُو أَ خَاوْتِي 
خَطْوَة خَطْوَة مَجْمُوعينْ ..
حَرْكًة  شمَالْ أَفْريقْيا
نْدِيرُو لِيسْكَالْ 
فِي سِرتْ،
وَانَا مْعاكُمْ
سِرْتْ نَنْظَمْ
نْغَنِّي لَعَلْوة يا لِيلْ يا عِينْ ..
وَايِّيهْ خَاوَة - خَاوَة،
طَالْبِينْ ضِيفْ الله!
لَقْوَافِي رْزِينَة و القلْب الزْوينْ..
سايَسْ يَا الأَغَا
وَا تَّا سَايسْ آهْ !
نْقُولْهَا و نْدِيكْلاَرِي،
اللِّي يْحَبْنَا نَحَبُّوهْ
وَ اللِّي يْكْرَهْنَا عْلاهْ!
تْعيشْ تونس 
الجزائر و ليبيا،
يْعيشْ المغرب و موريتانيا،
عَرَبْ وَ أَمَازِيغْ خُّوتْ مَتْضَّامْنِينْ ..
وَ عْلاَشْ أَنْجِيلاَّ خَانُومْ
عَزْلاَتْ لِيبْيَا عْلَى خُّوتْهَا؟
وَ عْلاَشْ هَاذْ لْحَادْكَة
فَرْزَاتْ ليبيا،
وَ نْوَاتْ تْوَزَّعْ
دَارُو إرَاثَة تَعْلَنْ مُوتْها ؟!
دُولْدُورْ بِي مِيهَانِتْسِي*
فَهَمْ تْسَطَّى:
نَشْرُو التَّسْلِيحْ فِي ليبيا !
وَ نَكْرُوكْ انْتِيَّا وَا فَلسْطينْ..
وَ عْلاشْ يا خَانومْ؟
رَاكِ تَمْشِي حَفْيانَة 
فُوقْ الصْخِيراتْ،
الصَّخْرَة حْماتْ و زَنْداتْ،
صَارَت جْمِيرَاتْ،
عَفْطَاتْ خَانُومْ حَرْقَتْ الرِّجْلِينْ ..
وَا عْلاشْ يَا خَانومْ،
غِيرْ قُولِي لِي عْلاَشْ،
سَامْحِينِي
أنْتِ جَاكْ النعاسْ ،
أَنَا مَا جَانِي ،
سَهْرَانْ و الشَّمْس ضَاوْيَة،
خَيْل السُّرْبَة تْحَنْحَنْ،
سَالِفْ العَزْبَة
ضَمْنِي بالرَّاحَة غَطَّانِي،
عَوْدِي أَنَا وَا عَوْدِي!
سْمَعْ مَاذَا قَالَتْ عْيَانِي:
نْشُوفْ " مَغرِب يُونايْتادْ "
حَلْمَة خِيرْ وَ سْلامْ!
نْشُوفْ الشُّعُوبْ
طَالْعَة تزِيدْ لِلْقُدَّام،
نْشُوفْ الرَّب وَاحِدْ،
نْشُوفْ الشَّبَابْ 
هَازْ لَعْلاَمْ ،
وَ يْعِيشْ إتِّحَادْ لْمَغَارِبِيِّينْ ..
دُولْدُورْ بِي مِيهَانِتْسِي* : عنوان أغنية تركية، و يعني عَمَّرْ الكَاسْ يَا مُولْ لْبَارْ. باللغة التركية.
 
عبد المجيد مومر الزيراوي ،شاعر و كاتب، رئيس تيار ولاد الشعب