الأحد 14 يوليو 2024
منبر أنفاس

مولاي أحمد بلبهلول: هاهيا جات هاهيا جات

مولاي أحمد بلبهلول: هاهيا جات هاهيا جات

هاهيا جات هاهيا جات          قرب الساعة بالعلامات

الاحترامات للسيدات              الشامخات الفاضلات

بالشهادة الجامعية                 المرأة صبحت قاضية

مهندسة محامية                   والاستاذة الجامعية

مع التقدير والتحية                والطبيبة الاختصاصية

بالشواهد والكفاءة                 ليست كوطا وظيفية

هاهيا بدات هاهيا بدات           لحزاب تمسخت ياسادات

حان الوقت وان الاوان           لتغيير اسم البرلمان

من القبة التشريعية                إلى الفيرمة العائلية

المناضل جاب مراتو             غضب آمو وخواتاتو

واحد جاب اختو سعداتو          واحد صاحبتو وتاتو

الزوجة فلوطنية                   بنتو ولدو الشبابية

ختو مشات الجهوية               نسيبتو فلاقليمية

الأب الغرفة الفلاحية             عمو نجح فالتجارية

خالتو بغات الجماعية             عمتو مسكينة تاهيا

ابن الأخ مع ولد الأخت          والعشيقة الغرامية

باللـه واش هذا برلمان            ولا مسخة سياسية

المناضل احمر عريان            ريحتو خنزت السكان

لابس بطانة بالبيان                ويقول منين جاه الذبان

هذا هو سباب العزوف           الحق ظاهر باين معروف

ربع بريكات في الشهرية        التقاعدات الريعية

ماتسمع غير أرى برع           البرلمان كيتكرع

تهنى وانعس وبدايكمع           هاذي هيا الشفافية

فينك ياعلال او بوعبيد           الجابري والمهدي الشهيد

عبد الـله ابراهيم الفريد           بالمواقف الوطنية

السوسي المختار العلامة         مؤرخ سوس العالمة

الوزاني و ايت ايدر               الـله يطول لو العمر

عاهدو اللـه صدقو                 ماخانو ماتملقو

الـله يشافي عبد الرحمان         قدم خدمات للوطن

زارو الملك في العيادة            قبل لو راسوا ياسادة

اعترافا له بالجميل                والزيارة خير دليل

قمة النبل والاخلاق               والدروس الانسانية